ठाण्यातील शास्त्रीनगर परिसरातील अनधिकृत बांधकामांवर कारवाई.

लोकमान्य सावरकरनगर परिसरातील शास्त्रीनगर नाल्यावर चार गाळ्यांचे बांधकाम अनधिकृतरित्या सुरू होते. सदरचे बांधकाम पूर्णपणे निष्कसित करण्यात आले आहे.

ठाणे महापालिका कार्यक्षेत्रात महापालिकेच्यावतीने अनधिकृत बांधकामे ‍निष्कसित करण्याची कारवाई आयुक्त सौरभ राव यांच्या निर्देशानुसार सुरू आहे. लोकमान्य सावरकरनगर परिसरातील शास्त्रीनगर नाल्यावर चार गाळ्यांचे बांधकाम अनधिकृतरित्या सुरू होते. सदरचे बांधकाम पूर्णपणे निष्कसित करण्यात आले आहे.

तसेच या परिसरातील ज्येष्ठ नागरिक कट्टयालगत, हत्तीपुलाजवळ, शास्त्रीनगर येथे असलेले विट सिमेंटचे 8 पिलर व त्याखालील सिमेंटचा कोबा तसेच गाळयासाठी उभारण्यात आलेले 5 भिंतीचे विटसिमेंटचे बांधकाम जे.सी.बी मशीन व मनुष्यबळाच्या साह्याने निष्कसित करण्यात आले.

सदरची कारवाई महापालिकेच्या अतिक्रमण विभागामार्फत उपायुक्त शंकर पाटोळे यांच्या मार्गदर्शनाखाली लोकमान्य सावरकनगर प्रभाग समितीचे सहायक आयुक्त सोमनाथ बनसोडे व अधिकारी कर्मचारी यांच्या उपस्थितीत करण्यात आली.